உன் கண்கள் பேசுது என்னுடன்

கதைபேசும் விழிகள்

கண்கள் பேசும் என்பதை

மௌனமாக உன்னைப் பார்த்த போது 

உணர்ந்து கொண்டேன்

நிமிஷங்கள் வருஷங்களாக 

சில நொடிப்பார்வையில்

சிக்கித் தவித்த என் இதயத்தை

சிறைமீட்டுப் போனது 

வீதியோர ஜன்னல் காற்று

எங்குமில்லாத ஒரு அமைதியில்

உன்னிடம் அனுமதி கேட்காமலே 

பேசி விட்டேன் உன் இதயத்துடன்

காரணம் கூட தெரியாமல்

நானும் காதலித்தேன் உன் பார்வைகளை

கண்களிடம் அனுமதி கேட்டு

கடைசிவரை சேர்ந்திருக்க முயற்சித்தேன்

காரணம் தெரியாமல் யோசித்தேன்

இன்னும் எத்தனை தடவை தான்

உன் நினைவை நேசிப்பேன்

எனக்குள் நானே யாசிக்கிறேன்

பதில்கள் தெரியாமல் யோசிக்கின்றேன்......

நான் பார்த்த அழகிய கண்கள்

நான் பார்த்த அழகிய கண்கள் 

என்னைப்பார்த்து சிரித்த 

மௌனமான அந்த மொழிகள்

இன்றும் எனக்குள்

ஏதோ பேசிக்கொள்கின்றன

சத்தமில்லாமல் அவன் கண்கள்

நித்தம் என்னுடன் பேசிக்கொள்கின்றன

என்னையறியாமலே எனக்குள் தொலைத்த

அவன் பார்வையை தேடி 

எங்கோ தொலைந்து போனேன்

மறுபடியும் ஒரு பயணம் 

எனக்குள் நானே ஏற்படுத்திக்கொண்டேன்.

அவள் விழிக்குள் படுத்துறங்கி 

விளித்து நகர்ந்த அந்த நிமிடங்கள்

மீண்டும் எனக்குள் ஓர் கனவாய்

நினைவுகளும் அழகானவை என்பவை 

அவன் கண்கள் கொடுத்த ஞாபகம்

எனக்குள் சொல்லிக்கொண்டது